seven-stepes-to-get-finincial-freedom

سبع خطوات للوصول للحرية المالية

كتير مننا بيفكر في إنه مش عاوز يكون زي الجيل اللي قبلنا ، يشتغل 35 سنة ، ثم يحال على المعاش ، ياخد ملاليم متكفيش أي حاجة ، وإننا نفسنا نوصل لمفهوم الحرية المالية. وده السبب الأساسي لكتير من الأشخاص إللي قرروا يتجهوا للعمل الحر أو لفتح مشروعاتهم الخاصة

وطبيعي إنه إذا فضلنا بنفكر بنفس العقلية اللي بنفكر بيها السنين اللي فاتت ، ومع الإرتفاع المستمر لأسعار كل حاجة حوالينا ، مش هانقدر حتى نتأقلم مع الأوضاع لأنها هاتكون أصعب مننا كلنا

وعلى مدار تجارب سنين ، تم فيها مئات التجارب لرجال أعمال وأشخاص عصاميين جدا. جمعنالك أهم 8 خطوات تساعدك تتخطى الأزمات اللي جاية ، وتوصل للحرية المالية ، وكلامنا هنا لكل صاحب عمل ولكل شخص موظف أو بيشتغل عمل حر وعنده مسئوليات جانبية

جدوى السطور اللي جاية في تنفيذها ، فلو إنت شفت إنه مجرد كلام وبس ، فهو كلام وبس فعلا ، طالما إنت مطبقتوش. لذلك الموضوع كله بين إيديك

ركز على الدخل ♦

خلينا نتفق إنك سواء بتشتغل 18 أو 12 أو حتى 8 ساعات ، فإنت بتشتغل عشان إما تكسب قدر من الدخل المادي ، أو إنك تكتسب مهارات وخبرة تساعدك تكسب قدر من الدخل المادي برده. عشان كده إذا هاتبدأ فكرة مشروع جديدة إدرسها بدل المرة 88 ، لأن كل خطوة فيها مصاريف ، وكل مصروف مش معروف هايرجع إزاي هو مصروف هالك ، فخُد بالك

نوّع مصادر دخلك ♦

ومقصدش هنا إنك تشتغل أكتر من شغلانة ، ولكن أقصد إنك تفتح لنفسك أكتر من مصدر للدخل. لو عندك  4 أصحاب ، جمعوا مبلغ وأشتروا عربية وشغلوها ، إدخل إنت وإخواتك في ملّك عقاري وأجروه ، إخلق لنفسك فرص دخل تانية تسندك جنب مصدر دخلك الأساسي

خليك حاسم في قراراتك المالية مع نفسك ♦

قلل من مصروفاتك ، لو صاحب عمل قلل ساعة أو إتنين من ساعات العمل و وفر في فاتورة الكهربا مثلا ، قلل مكالماتك وفواتيرها ، لو بتصرف في التسويق 40.000 جنيه عشان تعلق إعلاناتك علي كوبري أكتوبر ، جرب توصل لنفس النتيجة بطرق أوفر بكتير زي التسويق على الأنترنت والسوشيال ميديا مثلا ، أكتب مصروفاتك بشكل مستمر وإعرف فلوسك بتروح على إيه ممكن تستغنى عنه

وفّر فلوسك للإستثمار ♦

لو معاك 100.0000 جنيه ، فهم مبقوش يسووا أي حاجة دلوقت ، بس لوكنت من سنة مثلا حطيت المبلغ ده في قطعة أرض ، بالتأكيد قيمتهم دلوقت أحسن بكتير ، عشان كده أهتم بالأصول ، بالسلع المعمرة ، بالإستثمار بكافة أشكاله البسيطة والمُعقدة

غير عقليتك تجاه الفلوس ♦

الفلوس مش غاية ، الفلوس وسيلة لغاية أكبر ، أقيم ، وأثمن. فلو كنت من النوع اللي بيهتم برصيد حسابه في البنك لكن مش مهم هو إتعلم إيه الشهر اللي فات ، هاتخسر كتير

إستثمر في نفسك ♦

أعظم إستثمار في الذات هو التُعلم ، إتعلم ، إتعلم المهارات اللي تحسن أداء مشروعك ، إتعلم حرفة جديدة تشتغلها في وقت الركود الصعب. والإهم إنك تتعلم إزاي تتعلم من اللي حواليك أكتر ما تأثر عليهم ، كل جنيه بتستثمره في نفسك بيعود عليك 1000 ، وكل حاجة هاتتعلمها دلوقت هايكون ليها لزمة في وقت ما ، متكسّلش

أنت هنا حيث ما أنتجت أفكارك. فكّر في الجملة دي على طول

تصنيفات