دليلك-لمعرفة-منتجات-جوجل-المجانية-الجزء-الأول-محركات-البحث

دليلك لمعرفة منتجات جوجل المجانية –الجزء الأول– محركات البحث

لو مُعتقد إن جوجل هو بس محرك بحث ، فإنت غلطان. لأن شركة جوجل من أكبر الإمبراطوريات. وبتقدم مجموعة من المنتجات والخدمات المجانية توصل لتقريبا 120 منتج هدفهم يساعدوك في تنفيذ كتير من المهام على الأنترنت بسهولة. في الدليل العربي لمعرفة منتجات جوجل المجانية هانعرفك على أهم خدمات ومنتجات جوجل المسموحة في الوطن العربي. والجزء الأول اللي بتقراه دلوقتي هيكون عن مُحركات بحث جوجل المجانية

بحث جوجل هو محرك البحث الأشهر على شبكة الانترنت. بدأ سنة 97 وحاليا بيتلقى 3.5 بليون إستعلام بحث في اليوم الواحد. متوفر بـ149 لغة وبرمجته بتتيح للمستخدم الوصول لأي معلومة آيا كانت لغتها أو وقت نشرها. وتقدر من خلاله توصل لأي شئ بتدور عليه

بحث المدونات هو خدمة متخصصة للبحث في المدونات فقط. ويعتبر أول محرك بحث رئيسي بيقدم إمكانيات للبحث في المدونات والبحث عن الخلاصات وبس. تم إصداره في سنة 2005

أداة جوجل للبحث في النصوص الكاملة للكتب اللي بيقوم جوجل بمسحها وتخزينها في قاعدة بياناته الرقمية. تم تقديمه في معرض فرانكفورت للكتاب في أكتوبر 2004. ومن وقتها وقاعدة البيانات لأداة جوجل مُستمرة في النمو لدرجة إن جوجل قالت أنها بتقوم بمسح أكتر من 3 الآف كتاب في اليوم. يعني أكتر من مليون كتاب في السنة

وفي مارس 2007، إتكتب في  صحيفة النيويورك تايمز إن جوجل قامت بمسح مليون إصدار رقمي بأكتر من 130 لغة مختلفة. ودول تقريبا بيساووا خمسة مليون دولار أمريكي. حاول تتخيل بس يعني إيه ١.٠٠٠.٠٠٠ كتاب

محرك مخصوص للبحث عن الصور. ظهر لأول مرة في 2001 وحاليا بيحتوي على 10 مليار صورة تقريبا. وبيستخدمه مليار شخص في اليوم الواحد. وأهم ميزة فيه هي خدمة أطلقتها جوجل في يونيو 2011. الخدمة دي هي البحث بشكل مباشر عن الصور بإستخدام صور بدل البحث عن عنوان أو إسم الصورة

بمعنى أنه مش شرط تكتب أسم الصورة. كل اللي عليك إنك ترفع الصورة من خلال رابط أو من خلال جهازك ، وجوجل بيجيبلك أقرب النتايج من ناحية المُماثلة لحجم ونوع وألوان الصورة. أكتر تكوينات شبه صورتك بمعنى أوضح

محرك بحث بنفس مزايا الخدمة اللي فوق بس هنا تقدر تبحث عن ملايين الفيديوهات حولم العالم من مكان واحد ، بس مفيهوش إمكانية البحث بإستخدام الفيديو.

جوجل سكولار أو الباحث العلمي الخاص بجوجل. هو عبارة عن محرك بحث خاص بالمؤلفات العلمية والأكاديمية. وبيحتاجه جدا الأشخاص اللي بيقوموا بأبحاث ودراسات علمية في شتى المجالات. لأنه بيتيح ليهم ميزة إنهم من مكان واحد يقدروا يقوموا بالبحث عن كتير من المجالات العلمية ومصادر المعلومات

وتقدر تلاقي من خلاله أبحاث مُعتمدة ورسايل علمية وكتب وملخصات ومقالات من ناشرين أكاديميين وجمعيات متخصصة ومراكز جمع المعلومات حول العالم. وبيساعدك تتعرف بقرب أكتر عن الأبحاث العلمية اللي ليها صلة بمجال بحثك في عالم البحث العلمي

عبارة عن نظام أساسي بتوفره جوجل ، بيتيح لمطوري الويب عرض معلومات متخصصة في عمليات البحث على الويب. وتحسين طلبات البحث وتصنيفها وعمل مُحركات بحث مُخصصة مستندة على محرك بحث جوجل العام. الخدمة دي ليها ميزة عظيمة وهي تضييق صفحات الويب اللي ممكن توصل لـ 11.5 مليار صفحة مفهرسة وتوصل بس لمجموعة الصفحات اللي ليها صلة بإحتياجات مطوري الويب.أول ظهور له كان في 23 أكتوبر 2006

جوجل للتسوق هي خدمة مقدمة من جوجل تم إختراعها على إيد كريغ نيفيل-مانينغ. بتتيح للمستخدمين البحث عن المنتجات على مواقع التسوق الإلكتروني ومقارنة الأسعار بين المواقع والتجار. النموذج الأول لخدمة جوجل للتسويق كان بيتيح إدراج المنتجات والإسعار من التجار بشكل مجاني. قبل ما تعلن جوجل في 2012 إن الخدمة هتتحول بنهاية نفس السنة لنموذج مدفوع. بحيث إنه لازم التجار والشركات تدفع لجوجل عشان يتم إدراج منتجاتهم ضمن الخدمة. لكنها بتظل خدمة فريدة جدا خصوصا لو بتتسوق من مواقع عالمية

خدمة حجز تذاكر طيران عالمية. بتسمح بإجراء عمليات بحث مفتوحة حسب معايير تاني غير الوجهة؛ زي البحث عن الرحلات الجوية في نطاق عدد من المرات أو بناءا على الميزانية وبتقدم لك خيارات وجهات مختلفة. وبرده تقدر تحدد وجهة مُعينة ، وجوجل فلايت هايحسب كل سعر لكل يوم خلال الـ12 شهر الجايين. واللي بدوره بيسمح للمستخدمين بسهولة تحديد أرخص ميعاد للسفر للمكان اللي عاوزه

أخبار جوجل هو برنامج مبني على الويب مقدم من جوجل. البرنامج عبارة عن مُجمع أخبار. تم تقديم أخبار جوجل كنسخة بيتا في أبريل 2002. وخرج البرنامج من مرحلة البيتا في 23 يناير 2006. وله عدة نسخ مٌخصصة لـ20 إقليم في العالم ومتاح بـ12 لغة منهم العربي طبعا

خدمة أخبار جوجل بتمتلك خاصية البحث في الأخبار. وإمكانية عرض الأخبار حسب تاريخ نشرها مش حسب تاريخ حدوث الخبر. ويقدر المستخدم يُطلب تلقي إشعارات على البريد الإلكتروني بخصوص مواضيع هو اللي يحددها. من خلال إدخال بعض الكلمات المفتاحية عن طريق خدمة إنذار أخبار جوجل. وبيتم بعدها إرسال رسايل للمشتركين وقت ظهور مقالات إخبارية جديدة على الإنترنت متوافقة مع طلباتهم

محرك بحث خاص بالإستثمار في البورصة ومتابعة دورات الأسهم والمستثمرين على مدار اليوم مع تجميعة لأهم الاخبار اللي تخص الإستثمار سواء من أسعار أسهم أو أخبار عن شركات ليها أسمهم في البوصة. نقدر نقول إنه مراية للمُستمرين في قطاع البورصة

تنبيهات جوجل مش بتعتبر مُحرك بحث ولكنها طريقة وصول مهمة لكتير من المعلومات. وتقدر تعتبرها خدمة مجانية بتقدمها شركة جوجل مبنية على إرسال إشعارات للمُستخدم بالأحداث وتنبيهه بالوقائع والتغيّرات

في أول زيارة ليك بتحدد المجالات اللي عاوز يتبعتلك عنها إشعارات. ثم بتشتغل الخدمة عن طريق إرسال رسايل بريد إلكتروني ليك أول ما تلاقي نتايج بحث جديدة ومتعلقة بالمجالات اللي حددتها. سواء النتايج دي موجودة على صفحات ويب أومقالات صحف أو تدوينات أو بحوث علمية متعلقة بالموضوع

عشان تقدر تستفيد أقصى إستفادة من الخدمات اللي فوق دي يُفضل يكون عندك بريد اليكتروني على جيميل. ودي مش كُل منتجات جوجل المجانية. إقرا عن منتجات جوجل المجانية ذات الأستخدام الشخصي

Categories