دليلك لمعرفة منتجات جوجل المجانية –الجزء الثالث– التسويق الرقمي

دليلك لمعرفة منتجات جوجل المجانية –الجزء الثالث– التسويق الرقمي

زي ما إنت أكيد عارف ، شركة جوجل بتملك أكتر من 120 منتج وخدمة مجانية هدفهم مساعدتك على إنجاز مهامك بشكل أحسن. وبعد ما إتعرفنا في الجزء الأول عن محركات البحث الخاصة بجوجل ، وإتكلمنا كمان في الجزء التاني من الدليل عن منتجات الإستخدام الشخصي. هانتكلم في الجزء التالت من دليلك لمعرفة منتجات جوجل المجانية عن منتجات ريادة الأعمال والتسويق الرقمي

جوجل أد – جوجل ادووردس سابقا هو منتج جوجل الرئيسي للإعلانات والمصدر الرئيسيي لدخلها. جوجل أد بيوفر إمكانية الدفع لكل نقرة على الإعلان ، والتكلفة لكل 1000 ظهور. وبيتم إستخدامها في الحملات الإعلانية الموسعة ، والإعلانات اللي بيتحدد فيها الإستهداف بحسب المواقع. آخيرا ، إعلانات جوجل النصية لازم تكون قصيرة. تتكون من 25 حرف للعنوان وسطرين إضافيين كل سطر فيهم متكون من 35 حرف

عبارة عن برنامج إعلانات من جوجل على الإنترنت خاص بالمنظمات والمؤسسات الخيرية والغير هادفة للربح ، بهدف جمع عمل إعلانات لجمع التبرعات بعيدا عن أي أغراض تجارية. لكن للأسف غير متاح إستخدامه في الوطن العربي

أداة للبحث بكلمات رئيسية من شركة جوجل. بيستخدمه محترفين تحسين محركات البحث بهدف الوصول لعناصر البحث الفعلية اللي بيقوم المُستخدم بإدخالها  لمحركات البحث في أي عملية بحث. بهدف تحقيق ترتيب أفضل للكلمات المفتاحية اللي بيستخدموها أو عاوزين يستخدموها

فكرتها إنها خدمة مجانية من جوجل من أهم خدماتها إنها بتسمح لأصحاب المواقع بإضافة المواقع الخاصة بيهم وتحسين عملية الفهرسة ونشر المحتوى علي محرك بحث جوجل. بالإضافة للكشف عن أخطاء أكواد الاتش تي ام ال زي مثلا الصفحات اللي مالهاش عنوان أو وصف. مفيد جدا للمسوق ولمطور الويب

منصة تسويق جوجل عبارة عن موقع بيجمع كُل عناصر نظام تسويق الأساسي عشان تساعدك على تخطيط وشراء وقياس وتحسين تواجدك على الإنترنت وتجارب العملا في مكان واحد. جوجل ماركيتنج بلاتفورم بيساعدك على توفير وقت ومجهود في التنقل بين خدمات جوجل الأساسية للتسويق على الإنترنت. وموجود فيها الخمس منتجات اللي جايين

تحليلات جوجل أو جوجل أناليتكس هي خدمة مجانية بشكل جزئي من شركة جوجل. بتشتغل على تعقب حركة الزوار ومدة الزيارة والصفحات اللي تم زيارتها ومعلومات تاني عن موقعك الإلكتروني وإنتاج تقارير عنها.أول ظهور للخدمة كان في نوفمبر 2005 ، وحاليا تحليلات جوجل هي أكتر خدمة تحليل ويب بيتم إستخدامها على الإنترنت

برنامج إدارة التاجز من جوجل هو نظام إدارة للتاجز بيتيح لك تحديث شفرات التعقب بسرعة وسهولة. بمجرد إضافته على الويب أو التليفون هاتقدر تشتغل على تهيئة تكوينات التاجز الخاصة بيك ونشرها بهدف تقليل الأخطاء الوارد حدوثها في إستخدام التاجز. مفيد جدا للمسوق ومطور الويب

مُحسن المواقع من جوجل عبارة عن آداة بتحسن المواقع بشكل مجاني. بتساعد مديرين المواقع والمسوقين في زيادة عدد الزوار ومعدل التحويل والتأكد من رضا الزائر بشكل عام. عن طريق تنفيذ إختبارات وتركيبات مختلفة لمحتوى الموقع. مفيد جدا للمسوق ومطور الويب

أداة من جوجل خاصة بإنشاء أنواع مختلفة من التقارير والبيانات. ومن خلالها تقدر تجمع كل البيانات اللازمة لإنشاء تقارير من مختلف منصات التحليلات والرصد. وإنشاء تقارير تفاعلية تساعد على التحليل والتخطيط لرؤى جديدة للمؤسسة اللي بتستخدمها

البرنامج الإعلاني الأشهر على الإنترنت. بيسمح لأصحاب مواقع الويب بوضع إعلانات ادسنس علي مواقعهم عن طريقه ، سواء إعلانات مكتوبة أو إعلانات مصورة أو إعلانات فيديو. والإعلانات دي بتخدم المعلنين اللي تعاقدوا مع جوجل. بحيث يعرض جوجل إعلاناتهم بمقابل مادي بيتقسم بين جوجل وأصحاب المواقع اللي بتظهر فيها الإعلانات. وبيتم الدفع للإعلانات إما بحساب عدد الضغطات اللي نفذها الزوار أو بحساب عدد المرات اللي ظهر فيها الإعلان على الموقع المعلن

الدليل المحلي هو خدمة مجانية من جوجل بتسمح لأصحاب المشروعات الصغيرة والمحلات بوضع بيانات مشروعهم على دليل جوجل للأنشطة المحلية ، بحيث يكون سهل الوصول لمعلوماته لأي شخص بيبحث عن نوع الخدمة أو المنتج اللي حطيت بياناتهم بمجرد البحث عن نوع الخدمة

بلوجر هو تاني أشهر نظام نشر مدونات إلكترونية بعد الوورد بريس. تمتلكه شركة جوجل من 2003 ويستضيف بلوجر المدونات على سيرفيرات موقع بلوجر دوت كوم. وتقدر تنقل إستضافة المدونة على أي سيرفير تختاره. أهم ميزاته هي سهولة إستخدامه للمبتدئين بشكل مميز جدا

فكرة جوجل سايتس عبارة عن خدمة مجانية لإنشاء وتصميم مواقع ويب بدون الإحتياج لمعرفة أي أكواد أو لغات برمجة ، تم إنشائها في 2008 ولغايه إنهارده بيحصل عليها تعديلات كل فترة عشان تلائم أكتر إحتياجات المُستخدم. مفيد جدا للمسوق ومطور الويب

موقع لتسجيل وشراء الدومينز أو النطاقات على الأنترنت من شركة جوجل ، والمنافس لجودادي وكتير من مواقع تسجيل وشراء الدومينز على الإنترنت وتقدر تشتري منه برده إيميل رسمي لشركتك وتقدر ترفع على الدومين الخاص بيك من جوجل أي موقع من أي نوع برمجة

العملاق جوجل دوكس أو مستندات جوجل هو برنامج معالجة كلمات وجداول ممتدة وعروض تقديمية مجاني. بيسمح للمستخدمين بإنشاء وتحرير الملفات من خلال الإنترنت بالتشارك مع مستخدمين تانيين في نفس الوقت. جوجل دوكس بيجمع بين خصائص خدمة معالجة الكلمات وخدمة الجداول الممتدة واللي تم دمجهم في منتج واحد في 2006

منتج جوجل شيت هو برنامج معالجة جداول وبيانات ومشاركتها مع المستخدمين على الإنترنت دون الحاجة لإستخدام برنامج الأكسيل الخاص بميكروسوفت

خدمة جوجل سلايد تقدر تقول عليه بديل برنامج الباور بوينت ، وله نفس خصائص برنامج جوجل شيت وبرنامج جوجل دوكس. وتقدر تصمم عليه الشرايح اللي عاوز تعرضها وتشاركها مع أي مُستخدم في أي مكان في العالم

نماذج جوجل فورم هو برنامج لإنشاء نماذج تسجيل وإمتحانات وإستطلاعات رأي مجاني ، هو الأخ الرابع للتلات برامج اللي فوق ، وله نفس المزايا تقريبا بالإضافة لإمكانية أكتر من فورم منبثق من نفس الفورم اللي بتشتغل عليه

جوجل تريند خدمة عامة على الويب من شركة جوجل بتستند على بحث جوجل لإظهار إحصائيات كلمات بحث معينة وإرتباطها بكم إستخدامها. وتقدر تعرف منها الدولة اللي إنت فيها بتبحث عن إيه كل يوم وإيه الشئ اللي ممكن تشتغل عليه من خلال بحث الأشخاص عن الموضوع اللي بتظهرلك

موقع إختصار روابط مجانية من جوجل. وغير مُهيئة للكسب من وراها زي منافسين كتير بيقدموا نفس الخدمة. ميزتها إنك بتقدر تاخد منها تحليلات بعد كده عن الينك الي إختصرته منها

كُل المنتجات دي مجانية تقريبا ، وتقدر تستخدمها بإيميلك الجيميل في أي وقت وبشكل مجاني ، وتطور من طريقة شغلك على الإنترنت بأدوات من أهم شركة ومحرك بحث في العالم

Categories