blog-post-image

دليلك لمعرفة منتجات جوجل المجانية –الجزء الثان– الإستخدام الشخصي

زي ما بدأنا الجزء الأول في دليلك لمعرفة منتجات جوجل المجانية عن محركات البحث ، هنكمل عن شركة جوجل واللي إتأسست سنة ١٩٩٨ على إيد لاري بايج وسيرجي برين وقت ما كانوا طلبة بجامعة ستانفورد. وفي أغسطس سنة ٢٠٠٤ ، طرحت الشركة أسهمها في إكتتاب عام ابتدائي، عشان تقدر تجمع الشركة بعده رأس مال بلغت قيمته 1.67 مليار دولار أمريكي. وتوصل بعدها قيمة رأس مال الشركة بالكامل لـ23 مليار دولار أمريكي

ولأنها بتملك أكتر من 120 منتج وخدمة مجانية لمساعدتك على إنجاز مهامك بشكل أحسن ، هاعرفك في الجزء التاني من الدليل على منتجات تندرج تحت مسمى الإستخدام الشخصي

جوجل كاليندر عبارة عن تطبيق ويب يساعدك في تنظيم الوقت والمواعيد. الخدمة بتقوم بالتنسيق بين جهات الاتصال على جيميل وجهات الإتصال على تليفونك. ومن مميزاتها إنها بتتوافق مع أي نظام تشغيل ومع معظم متصفحات الويب. وتقدر عن طريق التسجيل المُسبق فيه بمتابعة جميع الأحداث المهمة في حياتك. سواء أعياد الميلاد ، مباريات الدوري. وتقدر تسجل عليه مواعيد الدكتور والإجتماعات الخاصة بيك. كل ده في مكان واحد

جهات الاتصال من جوجل هي أداة لإدارة جهات الاتصال مُدمجة مع برنامج البريد الإلكتروني جيميل ، ميزته إنك بدل ما تسجل جهات إتصالك في تليفون وممكن تفقده في أي وقت. إنك تسجل جهاتك إتصالك في الأداة دي وتقدر توصلها من أي مكان في العالم بإستخدام إيميلك على جيميل

جوجل كيب هي خدمة لتدوين وحفظ الملاحظات. قدمتها شركة جوجل في 20 مارس ٢٠١٣ كبديل ومنافس لتطبيقات التدوين سواء على التليفون نفسه أو على متجر جوجل بلاي أو الويب عموما. متاح على متجر جوجل بلاي لهواتف أندرويد ومتاح في جوجل درايف كتطبيق ويب ومش محتاج منك غير تسجيل إيميلك على جيميل. وتقدر تضيف عليه قوائم وصور ورسومات وتجمعهم في مكان واحد وتوصلهم أسرع من قبل كده

جوجل تاسك هو أداة تقدر من خلالها تضيف مهامك وتديرها بسهولة. محاكاة لفكرة التودو ليست أو قائمة المهام. وتقدر تحمله كإضافة للمتصفح بتاعك وتقدر تحمله برده من جوجل بلاي. والتعامل معاه سهل وسلس جدا وميزته إنك تقدر توصله من أي مكان بإستخدام إيميلك على جيميل

محفظة جوجل هو تطبيق للدفع عن طريق التليفون. قدمته شركة جوجل لأول مرة في ٢٠١١. وبيتيح للمستخدمين شراء التطبيقات والمحتويات الترفيهية في جوجل. وتقدر تربطه بالبطاقات المصرفية أو تدفع عن طريق كروت الشحن الخاصة بشركات الاتصالات

جوجل ناو هو تطبيق متاح لأنظمة أندرويد وآي أو إس في شكل مساعد شخصي ذكي. بيشتغل بتقنية التعرف على الكلام ومعالجة اللغات الطبيعية. وتقنية التصنيع الصوتي للإجابة على طلبات وأوامر المستخدمين سواء بشكل ناطق أو كتابي. ومسئول عن تقديم التوصيات وتنفيذ مجموعة طلبات على الإنترنت. أول ظهور لجوجل ناو كان في الإصدار 4.1 لأندرويد على تليفون جالاكسي نكسس

جوجل بلاي موسيقى هي خدمة بث حي للموسيقى على الأنترنت من شركة جوجل. تقدر تستخدم التطبيق على تليفونك ، أو الكمبيوتر الخاص بيك وتسمع الموسيقى الموجودة على نسختك من التطبيق. كمان بيسمح لمستخدميه بشكل مجاني برفع أكتر من 50.000 مقطع موسيقي من خلال تسجيلاتهم ومقاطعهم الخاصة والمفضلة. والأشتراك المدفوع بيتيح الإستفادة من مقاطع الموسيقى المرفوعة على يوتيوب ريد. وتقدر تستخدمه على تليفونك حتى لو إنت مش أونلاين

جوجل صور هو تطبيق لمشاركة وتخزين الصور أونلاين. أعلنت جوجل عن إطلاقه في مايوج 2015 و كان ضمن مزايا تطبيق جوجل بلس قبل قرار فصله كمنتج مستقل. وفي إمكانية تخزين ملفات الصور حتة دقة 16 ميجا بكسل ومقاطع الفيديو بجودة 1080. وتقدر تفتحها فيما بعد من أي مكان أو جهاز بأكاونت الجيميل الخاص بيك

مجموعات جوجل عبارة عن  خدمة  بتنافس خدمة المجموعات اللي بتقدمها فيسبوك وغيرها من المواقع. وأقدم منها من حيث النشأة اللي كانت في 2001. بيقوم فيها الأشخاص بالمناقشات عن الأهتمامات المشتركة ، وتقدر تنشئ جروب بنفسك مع مجموعة من الإيميلات للمناقشة حوالين موضوع مُعين

هانج آوتس يعتبر منافس لبرنامج الواتساب الشهير ، عبارة عن خدمة للتواصل والدردشة من خلال الإنترنت. بتضم المحادثات الفورية وإمكانية التواصل عبر الفيديو. تم تطوير الخدمة من شركة جوجل وتم إطلاقها في 15 مايو عام 2013

خرائط جوجل الغنية عن التعريف هي خدمة مجانية مقدمة من جوجل على الشبكة العالمية. بتوفر الخدمة دليل لشبكة الطرق والشوارع في معظم مدن العالم. وتقدر من خلالها تحدد إتجاهات سيرك وتعرف أماكن بنوك وشركات ومطاعم في معظم بلدان العالم

جوجل درايف هي خدمة تخزين سحابي من شركة جوجل.أول ظهور للخدمة كان في أبريل 2012 وبتعتبر إمتداد لخدمة جوجل دوكس اللي بتسمح للمستخدمين بإنشاء وتعديل وتخزين الملفات المكتبية على سيرفيرات جوجل. وعليها تقدر ترفع ملفاتك وتحملها وتعدلها لو عاوز. وكل ده على الإنترنت من أي جهاز كمبيوتر أو أي نوع تليفون. وبتديك مساحة تخزين سحابية مجانية بتوصل لـ15 جيجابايت

بيكاسا ببساطة هو برنامج لتخزين وتنظيم وتحرير الصور الرقمية ، أنشأه أيديالاب ثم إشترته شركة جوجل. تقدر تنزله على جهاز الكمبيوتر الخاص بيك وتخزن عليه صور من أي جهاز وتفتحها مرة تانية من أي مكان في العالم

ترجمة جوجل هي أشهر خدمة ترجمة في العالم ، تقدر تترجم من وإلي الإنجليزي و 100 لغة تاني. وبيستخدم في جميع أنحاء العالم. وبيمتلك ميزة  الناطق الفوري عشان تسمع نطق الكلمة أو الجملة المكتوبة ، بالإضافة لخدمة الكشف عن اللغة لو قدامك جُملة مش عارف لغتها إيه

خدمة نشاط حساب جوجل بتساعدك تحصُل على ملخص شهري لنشاط حسابك في جميع خدمات ومنتجات جوجل المجانية. سواء عدد الزيارات الإجمالي لكل منتج وإيه التطبيقات اللي مسجل فيها بيانات وأنشطة ليك. مفيد جدا عشان تطمن إن محدش غيرك بيستخدم حسابك على منتجات جوجل المجانية

لوجة جوجل بتجيلك عرض إحصائي مُفصل لإستخداماتك لكل منتجات جوجل اللي مسجل فيها إيميل الجيميل بتاعك. تقدر تتأكد منه إذا كان في حد بيستخدم الإيميل بتاعك غيرك ، تقدر كمان تراقب معدل إستخدامك لكل تطبيق من منتجات جوجل

المتصفح الخاص بشركة جوجل ويعتبر من أقوى المنافسين في العالم في مجال التصفح. بيجمع بين التصميم الأقل تعقيد والتكنولوجيا المتطورة ، وبيتم إستخدامه من ملايين الأشخاص في العالم. يمكن له عيب صغير إنه بيستهلك كتير من رامة الجهاز

عبارة عن أداة من جوجل بتقوم بمزامنة الأشارات المرجعية الخاصة بيك (صفحاتك اللي سجلتها على المتصفح) من خلال جوجل كروم من خلال أجهزة كمبيوتر وتليفونات متعددة. بمعنى أنها بتقوم بتسجيل صفحاتك المفضلة على الحساب الخاص بيك على جوجل كروم وتقدر تفتحها من أي جهاز متوصل بالأنترنت غير الجهاز اللي إستخدمته. أهم حاجة تكون مسجل أكاونت الجيميل بتاعك على متصفح جوجل كروم عشان تستمتع بالخدمة دي

الإشارات المرجعية هي أحد خصائص المنتج اللي فوق. ومختصة بتسجيل المواقع اللي المستخدم بيحتفظ بيها. وكمان وضع عناوين وتعليقات عليها ومتبقاش مرتبط بجهازك بس وتبقى جاهزة معاك في أي مكان

عشان تقدر تستفيد أقصى إستفادة من الخدمات اللي فوق دي سجل حساب بريد اليكتروني على جيميل. ودي مش كُل منتجات جوجل المجانية. إقرا عن منتجات جوجل المجانية الخاصة بالتسويق على الإنترنت

Categories