gmail-خمس-أسباب-لإختيار-الجيميل

Gmail خمس أسباب لإختيار الجيميل

أكيد في أسباب لإختيار الجيميل من أشخاص محددين ، لكن اللي متعرفوش إن شركة جوجل الرائدة في عالم الأنترنت بتفيدنا بواحد من أهم منتجات جوجل وهو الجيميل ، واللي يعتبر واحد من أفضل خدمات البريد الإلكتروني المجانية في العالم ، وبيتم إستخدامه من ملايين المستخدمين

ورغم وجود شركات زي ياهوميل ، هوتميل ، وأوتلوك. إلا إن جيميل بيوفر للمستخدم كتير من المميزات والخدمات اللي تخلي ولاءه للجيميل مالوش حدود وينصح بيه لأي شخص بإعتباره أهم تطبيق بريد إلكتروني على الإطلاق

وسواء كان إستخدامك للإنترنت بغرض التسلية أو البيزنس أو حتى التعليم. فلازم يكون عندك جيميل ، لأنه مفتاح مجاني لكتير من الأبواب على الأنترنت. وعشان كده في المقال ده هتلاقي أهم خمس أسباب لإختيار الجيميل

تطبيق قوي وسهل الإستخدام ♦

من أهم الأسباب لإختيار الجيميل هو إنه تطبيق سهل الإستخدام جدا. مع وجود قدرة على تخصيص وإنشاء صناديق البريد الوارد المناسبة ليك لوحدك. وبيوفر إمكانية البحث عن رسايل بريد اليكتروني مُحددة بسهولة من خلال أيقونة العدسة

وعلى جانب التصميم ، فـ جيميل بيمتلك مجموعة من الثيمات المختلفة واللي تخليك كمُستخدم تتحكم في مظهر التطبيق. وتقدر تغير الخلفية والألوان زي ما بيرتاح نظرك. وفكرة الثيمات هي واحدة من أهم مميزات جيميل في التصميم واللي تقريبا مش موجودة في أي تطبيق بريد اليكتروني تاني

gmail-themes

Threaded messages الرسائل المترابطة ♦

أي شخص إستخدم أي تطبيق بريد إلكتروني مُختلف عن الجيميل عارف المُشكلة الخاصة بالرسايل المتتابعة وإنها بتكون متفرقة ، لكن جيميل بتوفر للمستخدم تجميع كل محاداثاته مع نفس الأطراف مع بعض. بحيث إنها تخلي المُستخدم يلاقي سلسلة الرسايل المترابطة ورا بعض من غير ما يقعد يجمعها من أماكن مختلفة

gmail-Thread

Different tabs تقسيم صندوق الوارد ♦

من المهم جدا في الجيميل إن جوجل بتقدم العديد من الإختيارات المختلفة لمساعدة المُستخدم على إدارة رسايل الجيميل الخاصة بيه. فمثلا ، بيكون مُتاح للمستخدم تابات مُختلفة يقدر يقسمها زي ما هو عاوز ، بالإضافة للفرز التلقائي اللي بيحصل لرسايل البريد الإلكتروني المرسلة لصندوق البريد الوارد للمُستخدم ، وبتتوزع على ٣ أنواع رئيسية من صناديق البريد الوارد

primary in-box  البريد الوارد الأساسي

هو أهم صندوق ، واللي بيوصل فيه مُعظم الإيميلات اللي بتكون من أشخاص مباشرين تم التواصل معاهم بالإضافة للمواقع الإلكترونية والشركات اللي تم مُراسلتهم من المُستخدم في المرة الأولى

 social in-box  صندوق الرسايل الإجتماعية

وده اللي بيوصل فيه كل الرسايل اللي بتيجي من مواقع التواصل الإجتماعي زي فيسبوك ، تويتر ، يوتيوب ، لينكدان. اللي تم الإشتراك فيها وتفعيل وصول الإشعارات في شكل ميل على صندوقك الوارد. وتقدر تتحكم في وصولها أو عدمه من خلال ضبط إعدادات البروفايل الخاص بيك على موقع التواصل الإجتماعي المشترك فيه. وأحيانا بيوصل في نفس الصندوق رسايل تأكيد التسجيل في أي موقع أو متجر أو تطبيق إلكتروني

promotions in-boxes صندوق الرسايل الترويجية

وده اللي بيوصل فيه الرسايل الخاصة بالعروض والخصومات اللي بتقدمها المواقع أو التطبيقات اللي المُستخدم مُشترك فيها ، بالإضافة لمقالات النيوزليتر 

وبجانب الصناديق الرئيسية ، مُتاح للمستخدم تقسيم وإنشاء صناديق جديدة يتم فيها الفرز يدويا. بالإضافة لوجود علامات تقدر تستخدمها مع مجموعة إيميلات زي علامة الرسايل الهامة واللي بتشبه السهم الأصفر. بالإضافة للأرشيف واللي ممكن تبعتله الرسايل اللي مش عاوز تمسحها ومش عاوزها تكون قدامك في أي صندوق بريد

gmail-inbox

مساحة تخزين مجانية على الإنترنت ♦

جيميل بيوفر للمُستخدمين مساحة تخزين ١٥ جيجابايت مخصوص لتخزين رسايل البريد الإلكتروني. وهي ميزة عظيمة للأشخاص اللي بيحصل عندهم تدفق ضخم لرسايل البريد الإلكتروني اليومية، بالإضافة لدرايف مُلحق بالحساب بمساحة 5 جيجا بايت مجاني برده, ودي ميزة عظيمة في إنك ترفع شغلك أونلاين عشان متتعرض لأي خساير لو حصل أي تلف لجهازك لاقدرالله

gmail-storage

الإستمتاع بمنتجات وتطبيقات جوجل ♦

أحد الميزات الرائعة في الجيميل تمكين المُستخدم من إستخدامه في أكتر من 120 تطبيق ومنتج مختلف من منتجات جوجل المجانية ، وإستخدامه في موقع اليوتيوب لفتح قنوات يويتوب مختلفة

كل الميزات دي وأكتر خليتني أستخدم جيميل وبس لمدة 10 سنين لغاية دلوقتي بدون اللجوء لأي خدمة بريد إلكتروني تانية

لو عاوز تعمل جيميل دلوقت دوس هنـا. وإستمتع بخدمات ومنتجات جوجل بدون أي قيود

تصنيفات