Practical-Model-for-facebook-marketing-campaign-ayop.me

نموذج تطبيقي لتنفيذ حملة تسويق رقمي

في ديسمبر 2018، نشرت كُتيب سوبر كامبين، بهدف إنك تتعلم إزاي تجهز حملة تسويق رقمي فعّالة. والحقيقة إن عدد تحميلات الكتيب كان مُبهر جدا

كان ناقص بس إني أشوف أشخاص بدأت تنفذ اللي قرأوه، لكن بعد فترة إنتظار طويلة، أدركت إنه كان لازم تحصل خطوة معينة. بين نزول الكتيب، وبين إن الأشخاص اللي قرأوا يطبقوا، آلا وهي إنهم يشوفوا نموذج تطبيقي إتنفذ بالفعل على خطوات الكتاب

لذلك ، جهزتلك أول نموذج تطبيقي من أصل 3 هتقرأهم تباعا، عشان تقدر تشوف أمثلة حقيقية لتخطيط وتنفيذ حملة تسويق رقمي، وتحديدا من خلال موقع فيسبوك

وقبل ما نبدأ ، خلينا نتفق على نقطة مُهمة ، وهي إن النموذج التطبيقي اللي هتشوفه دلوقتي، الغرض منه عرض الخطة اللي تم العمل عليها، وكتابة المحتوى التطبيقي لموضوعات الخطة. عشان تقدر تقيس مدى تحقيق الهدف اللي تم وضعه. وبتكلم هنا عن الخطة وكتابة المحتوى بس، لأن ده الدور اللي نفذته بنفسي في الحملة الرقمية الخاصة بالنموذج اللي هنتكلم عنه

 

نبذة عن العلامة التجارية ♦

العلامة التجارية كنوز هي شركة متخصصة في تقديم منتجات عسل النحل النقي بالإضافة لتقديم التمور ، بدأت شغلها سنة 2000 وحاليا ليها 16 فرع في مصر

صفحة كنوز على موقع فيسبوك هي القناة الأساسية لعرض منتجاتها على المجتمع الرقمي. لذلك كان مطلوب في وجود الحملات الرقمية اللي بتتنفذ لهدف المبيعات، تنفيذ حملة رقمية تعزز التواصل بين صفحة الشركة والمتابعين عليها. بشكل يمكن بناءه والإعتماد عليه في المستقبلل كخيط تواصل بين الشركة وجمهورها

Challengeالـ ♦

والحقيقة إنه مكانش التحدي الحقيقي هو إبتكار تصور لحملة تسويق رقمي، وإنما كان التحدي هو عرض المحتوى النهائي على صفحة الشركة بدون تمويل إعلاني للمحتوى. بهدف قياس نسبة التفاعل الطبيعية “اورجانيك ريتش” بشكل ملموس بعيدا عن مؤشرات التحليل. وبناءا على التحديات اللي قدامنا ، إشتغلنا على تخطيط الحملة الرقمية اللي في الصورة

دوس على الصورة عشان تفتحلك لينك أوضح للخطة

أهم 3 نقاط في النموذج التطبيقي ♦

 Campaign theme\Patternالـ

الفكرة أساسها إننا نبتكر كاركتر أسمه الملكة كنوز ودورها هتقوم بتعريف الجمهور المستهدف بعض المعلومات عن النحل وعسل النحل

Core messageالـ

الرسالة الأساسية من الحملة الرقمية هي إن العسل يكون هو الصاحب والدكتور والدوا ليك ، في كل وقت

Objective & KPI’sالـ

الهدف الأساسي من الحملة ، هو تحسين معدل التفاعل مع المتابعين لصفحة الفيسبوك. ومؤشر نجاح الحملة هو الوصول لنسبة تفاعل 0.5% من إجمالي مشاهدات “ريتش” كل بوست

وده بالإضافة لمؤشر ثانوي وهو تحقيق عدد من 1:3 أوردر لنوع عسل معين في كُل بوست

نماذج المحتوى ♦

Resultsالـ ♦

في خلال أول 11 يوم من بداية الحملة الرقمية ، قدرنا نوصل لـ75% من مؤشر نجاح الخطة ، زي ما شوفت من خلال إختيار موضوعات وعناوين دقيقة تساعد متابعين الصفحة على سهولة قراءة المحتوى والتفاعل معاه

الخلاصة ♦

أهم حاجة تركز عليها أثناء تنفيذ حملة التسويق الرقمي، هي الزاوية اللي تقدر من خلالها تتناول الموضوعات الخاصة بالمحتوى اللي بتقدمه. خصوصا لو يهمك إحداث تفاعل من خلال مشاهدات مجانية “أورجانيك ريتش”. ده اللي بيساعد صفحتك على فيسبوك في مقاومة عوامل إنعدام التفاعل مع المحتوى بدون تمويل إعلاني

لو لسه مقريتش نشرت كُتيب سوبر كامبينممكن تحصل على نُسختك المجانية من هنـــــــــــــــا

Share this Article | شارك المقال مع أصدقائك

Categories